ခေတ်ဟောင်းအဆိုတော် ရုပ်ရှင်မင်းသမီးကြီး မေရှင် ကွယ်လွန်

ပီတာအောင်/ ၄ စက်တင်ဘာ ၂၀၀၈။       ။

ခေတ်ဟောင်းအဆိုတော်နှင့် ရုပ်ရှင်မင်းသမီးကြီး ဒေါ်မေရှင် အသက် (၉၃) နှစ်သည် ယမန်နေ့ ည (၁၁) နာရီခွဲခန့်က လူကြီးရောဂါဖြင့် မန္တလေးမြို့၌ ကွယ်လွန်သွားကြောင်း မိသားစုထံမှ သိရသည်။

ဒေါ်မေရှင်အား မကွယ်လွန်ခင်အထိ အနီးကပ်ပြုစုစောင့်ရှောက်ခဲ့သည့် တူဖြစ်သူ ဦးမောင်မောင်က “အဓိကတော့ လူကြီးရောဂါပါပဲ။ အဆုတ်နည်းနည်းမကောင်းတာ။ အသက်ရှူတာတွေ ဘာတွေ ပင်ပန်းနေတာပေါ့။ ဆေးရုံမှာ (၄) ရက်လောက် နေလိုက်ရတယ်။ မနေ့က အသည်းအသန်ဖြစ်တာနဲ့ ဆရာဝန်ကြီးက ပြောတာနဲ့ အိမ်ပြန်ခေါ်ပြီးတော့ အိမ်မှာပဲဆုံးသွားတာပါ” ဟု ပြောသည်။

ဒေါ်မေရှင်သည် မန္တလေးမြို့၊ အောင်တော်မူ
ရပ်ရှိ၊ မြစန္ဒာလမ်းတွင် မကွယ်လွန်မီအချိန်
အထိ အပျိုကြီးဘ၀ဖြင့်တူ၊ တူမများနှင့် ငြိမ်း
ချမ်းစွာ နေထိုင်သွားခဲ့သည်။ ဒေါ်မေရှင်၏
အမည်ရင်းမှာ ဒေါ်သန်းရှင်ဖြစ်ပြီး ၁၉၁၇ ခု
မတ်လ (၁) ရက်တွင် မန္တလေးမြို့၌ အဘ ဦး
ခင်လေး၊ အမိဒေါ်ဖွားယုံတို့မှ မွေးဖွားခဲ့သည်။

၁၉၃၆ ခုတွင် အေ၀မ်းရုပ်ရှင်၏ မြေတောင်
မြှောက်ပေးမှုဖြင့် ရုပ်ရှင်လောကသို့ ၀င်
ရောက်ပြီး ပထမဆုံးဇာတ်ကားအဖြစ် ဖူးစာရှင် အသံတိတ်ရုပ်ရှင်ဇာတ်ကားတွင် မင်းသား
ရဲခေါင်ချစ်ဆွေကြီးနှင့် တွဲဖက်သရုပ်ဆောင်ခဲ့သည်။ မြန်မာ့ရုပ်ရှင်လောက၏ ပထမဆုံးအသံထွက်
ဇာတ်ကားဖြစ်သည့် မြားနတ်မောင်ရုပ်ရှင်ကားတွင် ပါဝင်သရုပ်ဆောင်ပြီး အောင်မြင်ကျော် ကြားလာခဲ့သည်။

ဒေါ်မေရှင်သည် ခေတ်ပြိုင်မင်းသား မောင်တင်မောင်၊
ပြည်လှဖေတို့နှင့် အတွဲညီညီ တွဲဖက်သရုပ်ဆောင်
ခဲ့ပြီး မေရှင်ပါဝင် သရုပ်ဆောင်ခဲ့သော ချစ်အမျှ၊
ချစ်ရေစင်၊ ချစ်သက်ဝေ၊ စောင်းတော်ရှင်၊ ချိန်
တန်ပြီ၊ မေ့တွက်တာ၊ ဗိုလ်အောင်ဒင် စသည့်
ဇာတ်ကားများမှာ အထူးထင်ရှားသည်။ ၁၉၆၁ ခုတွင် ရုပ်ရှင်လောကမှ အနားယူခဲ့သည်။

ဒေါ်မေရှင်သည် ရုပ်ရှင်ဘက်တွင် နာမည်ကြီးရုံမက တေးသီချင်းသီဆိုရာ၌လည်း အောင်မြင် ကျော်ကြားသူဖြစ်သည်။ ဒေါ်မေရှင်သီဆိုခဲ့သည့် ကျေးစေတမန်၊ ပျို့မှာတမ်း၊ သော်တာငွေမင်း၊ ချစ်သက်လျာ၊ မြတ်လေးငုံ၊ ရှင်သီဝလိ၊ အောင်ခြင်းရှစ်ပါး စသည့် သီချင်းများမှာ လူကြိုက်များသည်။

ဒေါ်မေရှင်သည် မေတ္တာတရားရှေ့ထားကာ တရားဘာဝနာအားထုတ်ရင်း ဘ၀ကို ငြိမ်းငြိမ်းချမ်းချမ်းဖြင့် နေထိုင်ဖြတ်သန်းခဲ့သည့် ပြည်သူချစ်သော အနုပညာရှင်တယောက် ဖြစ်သည်ဟု ဒေါ်မေရှင်၏ ဘ၀ ဖြတ်သန်းမှု အကြောင်းကို ပြုစုထားသည့် “ပန်းတပွင့်ရဲ့ ရင်ခုန်သံ” စာအုပ် ရေးသားသူ စာရေးဆရာမ ၀င်းဝင်းမြင့် (နန်းတော်ရှေ့) က ခေတ်ပြိုင်သို့ ပြောသည်။

၎င်းက “အမေဟာ အပျိုကြီးတယောက်ဖြစ်ခဲ့တယ်။ ရုပ်ရှင်မင်းသမီးတယောက်ဖြစ်ခဲ့တယ်။ ဒါပေမယ့် သူ့ကိုယ်သူ အိနြေ္ဒရရ သိက္ခာရှိရှိ ဖြတ်သန်းခဲ့တယ်။ သူသိပ်ဖြစ်ချင်တာတွေကိုလည်း ဖြစ်အောင်ကြိုးစားခဲ့တယ်။ အမေအကြိုက်ဆုံးသီချင်းကတော့ ကျေးစေတမန်ပေါ့။ ဆရာတော်ကြီးတွေ အကြိုက်ဆုံး သီချင်းကတော့ အောင်ခြင်း (ဂ) ပါးပေါ့။ မဟာဂန္ဓာရုံဆရာတော်ဘုရားကြီးကိုယ်တိုင် လက်ခံခဲ့ပြီးတော့ ဘာသာသာသနာနဲ့ ပတ်သက်ပြီး အထင်ကရ ဖြစ်ခဲ့တာဖြစ်ပါတယ်။ ရုပ်ရှင်မှာလည်း ဇာတ်ကောင်အမျိုးမျိုးပေါ့။ မြန်မာအမျိုးသမီး တယောက်ရဲ့ ပီသတဲ့ အိနြေ္ဒသိက္ခာနဲ့ မြန်မာအမျိုးသမီးတွေကို ကိုယ်စားပြုခဲ့တဲ့ ဇာတ်ကောင်လို့လဲ ပြောလို့ရနိုင်ပါတယ်။ သူက နောက်ပိုင်းတော့ ဘာသာတရားပဲ များသောအားဖြင့် လုပ်ပါတယ်” ဟု ပြောသည်။

ဒေါ်မေရှင်နှင့် ခေတ်ပြိုင် အနုပညာရှင်ကြီးများ သက်ရှိထင်ရှား မရှိသလောက်ဖြစ်နေပြီး စာပေနယ်၌လည်း စာရေးဆရာမကြီး လူထုဒေါ်အမာ မကြာသေးခင်က ကွယ်လွန်သွားပြီဖြစ်၍ ပြည်သူချစ်သော အနုပညာရှင်ကြီးများ ဆုံးရှုံးသွားရမှုအပေါ် ၀မ်းနည်းမိကြောင်း မန္တလေးမြို့ရှိ အနုပညာအသိုင်းအ၀န်းက ပြောသည်။

ဒေါ်မေရှင်၏ ဈာပနအား မနက်ဖြန် ညနေ (၃) နာရီတွင် ကြာနီကန်သုဿန်၌ ဂူသွင်းသဂြိုဟ်မည်ဟု သိရသည်။