''စည်းကမ်းပြည့်ဝသော သတင်းများကို ပြန်လည်တုံ့ပြန်ခြင်း''

၂၄ ဇ္န၀ါရီ ၂၀၀၉။ နေသန်မောင်
ကိုစိန်ဝင်းရေ ...ညစ်ညမ်းသီချင်းတွေ မြန်မာပြည်မှာ တရားမဝင် ပျံ့နေတဲ့သတင်းနဲ့ပတ်သက်ပြီး ပြီးခဲ့တဲ့ သီတင်းပတ်က မဇိမသတင်းမှာ ကျနော်ရေးလိုက်တဲ့ ဆောင်းပါးအပေါ် ကန့်ကွက်သံတွေ ပလူပျံအောင် ထွက်လာခဲ့ပါတယ်။ ထောက်ခံတဲ့အမြင်ရှိသူတွေထက်စာရင် ကန့်ကွက်တဲ့အမြင်က အပုံကြီးများတယ်လို့ ယူဆပါတယ်။ ဒီနေရာမှာ ထွက်လာတဲ့အမြင်တွေအနက် လူပုဂိုလ်အပေါ် ပြန်လည်ဝေဖန်တဲ့ အချက်တွေကို တုံ့ပြန်စရာမရှိပေမယ့် ကျနော့်ဆောင်းပါးရဲ့ ဆိုလိုရင်း အနှစ်ချုပ်ကို ပြန်ရှင်းပြဖို့တော့ လိုလာပြီလို့ ခံစားရပါတယ်။တုံ့ပြန်မှုအများစုကတော့ ဂျောက်ဂျက်ရဲ့ သီချင်းစာသားတွေက ဘယ်လောက် ရိုင်းစိုင်းတယ်၊ ဘယ်လောက် ဒီဂရီအထိကို ညစ်ညမ်းတယ်၊ ဒီလိုညစ်ညမ်းမှုတွေကို မြန်မာ့လူ့အသိုင်းအဝိုင်းအနေနဲ့ လက်ခံလို့ မရဘူး၊ လက်ပိုက်ကြည့်နေလို့ မဖြစ်ဘူး၊ ဒီသီချင်းတွေကို နားထောင်မိတဲ့ ဆယ်ကျော်သက်တွေ၊ ကလေးသူငယ်တွေအတွက် စာရိတပိုင်းဆိုင်ရာမှာ ဆိုးရွားတဲ့ အကျိုးဆက်တွေဖြစ်လာမယ်၊ အမျိုးသမီးတွေအပေါ် အပြင်းအထန်တိုက်ခိုက်ထားတယ်၊ သတင်းသမားတွေဟာ တိုင်းပြည်ရဲ့ မျက်လုံးဖြစ်တဲ့အတွက် ဒီအတိုင်း လက်ပိုက်ကြည့်မနေဘဲ ပြောခွင့်ရှိတယ် စတဲ့အချက်တွေပါပဲ။ဒီလို သီချင်းစာသားမျိုးကို လွတ်လပ်ခွင့်အနေနဲ့ ''ဘာမှမပြောကြပါနဲ့၊ မကြိုက်ရင် နားမထောင်ပါနဲ့''လို့ ပြောတဲ့ကျနော့်အပေါ် အတော်ကလေး ဒေါသထွက်ကြဟန်ရှိပါတယ်။ ကျနော့်ဆောင်းပါးမှာ မကျေနပ်တဲ့ ဒေါသသံတွေပါတာကြောင့် တုံ့ပြန်သူတွေဘက်ကလည်း ဒေါသသံတွေ၊ သရော်သံတွေကလည်း မပါမဖြစ် ပါလာကြပါတယ်။ ဒီမိုကရေစီရဲ့ အနှစ်သာရဖြစ်တဲ့ လွတ်လပ်စွာ သဘောထားအမြင် ကွဲလွဲခွင့်ကို ကြိုဆိုသင့်ပါတယ်။ တုံ့ပြန်လာသူတွေရော အကြောင်းအရာပေါ်မှာ အမြင်သဘောထား အမျိုးမျိုးရှိတဲ့သူတွေကိုရော ကြိုဆိုပါတယ်လို့ ပြောချင်ပါတယ်။ကျနော့်ဆောင်းပါးရဲ့ အဓိကလိုရင်း အနှစ်ချုပ်က ကျနော်တို့ မြန်မာလူ့အဖွဲ့အစည်း (အထူးသဖြင့် ဖိနှိပ်တဲ့ စစ်အာဏာရှင်ယနရားအောက်က လူ့အဖွဲ့အစည်း)အတွင်းမှာ ဖိနှိပ်မှုမှန်သမျှကို ရတဲ့နည်းလမ်းမှန်သမျှနဲ့ ဆန့်ကျင်မှုတွေ အမြဲလိုလိုရှိပါတယ်။ ဒီမိုကရေစီနဲ့ လူ့အခွင့်အရေးအတွက် တိုက်ပွဲဝင်နေမှုကလည်း ဆယ်စုနှစ်(၂)ခု ကျော်ခဲ့ပါပြီ။စာပေ၊ သတင်းစာ၊ ဂီတ၊ အနုပညာတို့ရဲ့ ကင်ပေတိုင် ဆင်ဆာအဖွဲ့ဟာ လွတ်လပ်တဲ့ သဘောထားအမြင်တွေကို အဓိက ပိတ်ဆို့ထိန်းချုပ်တဲ့ ဌာနဖြစ်တာမို့ လူတိုင်းရဲ့ အော့နှလုံးနာစရာ အဖွဲ့ဖြစ်ပါတယ်။ ကျနော်တို့ ပြည်တွင်းရော၊ ပြည်ပကပါ ဒီဆင်ဆာအဖွဲ့ကို တတ်နိုင်ရင် ဝေးဝေးက ရှောင်ကြပါတယ်။ အခု ဟစ်ပ်ဟော့ပ် မြေအောက်သီချင်းတွေအလှည့်ကျမှ ပြည်တွင်းပြည်ပ သတင်းဌာနအချို့က သတင်းထောက်အချို့က ဆင်ဆာအဖွဲ့ကို တိုင်တန်းပြီး အရေးယူပေးဖို့ ရေးသားခဲ့တဲ့ အချက်။ ဒီအချက်အပေါ် ကျနော်အဓိကထားပြီး ပြောတာဖြစ်ပါတယ်။ကျနော့်တို့ လူ့အဖွဲ့အစည်းအတွင်းမှာရှိတဲ့ မကောင်းတဲ့စရိုက်ကို ကျနော်ထောက်ပြဖို့ ကြိုးစားတာပါ။
ဖိနှိပ်ရေးယနရားဖြစ်တဲ့ ဆင်ဆာအဖွဲ့ကို ဘယ်လိုအကြောင်းအရာမျိုးနဲ့မှ ကျနော်တို့ ထောက်ခံစရာမရှိပါဘူး။ သူတို့နဲ့ တသွေးတည်းတသားတည်း အမြင်ရော အတွေးအခေါ်ရော တူညီတယ်ဆိုရင်တော့ ဒီအချက်ဟာ မဟာပြသနာကြီးဖြစ်လာပါပြီ။ နောက်တစ်ခုက ကိုယ်မကြိုက်တဲ့ လက်မခံနိုင်တဲ့အရာတစ်ခုကို ဒီဖိနှိပ်ရေးယနရားရဲ့ အကာအကွယ်ကိုယူပြီး အသုံးချတဲ့ကိစပါ။နောက်တစ်ခုက တိုင်တန်းပုံပါ။ တိုင်တန်းပုံကလည်း သတင်းစာသမားတွေ အဓိကရှောင်ရှားရမယ့် တရားဥပဒေအရ တရားခွင်ကနေ စွပ်စွဲခံရသူတစ်ဦးတစ်ယောက်အပေါ် ပြစ်ဒဏ်မစီရင်ရသေးဘဲ သတင်းစာမျက်နှာထက်ကနေ ဥပဒေတွေကို အပိုဒ်လိုက်ရွတ်ပြီး ဒီလိုပုဒ်မနဲ့ အရေးယူသင့်တယ်၊ ယူရမယ်ဆိုပြီး ရေးလိုက်တဲ့ အချက်ပါ။ ဒီလို ရေးသားမှုမျိုးက မြန်မာ့အလင်း၊ ကြေးမုံကနေ ပြန်ကြားရေးဌာနက နိုင်ငံရေးလှုပ်ရှားသူတွေအပေါ် တရားဝင် ဖမ်းဆီးမှုတွေ မလုပ်ခင် ကြိုတင်ရေးထားချက်တွေနဲ့ တသဘောတည်း တူညီနေပါတယ်။ဂျောက်ဂျက်နဲ့ ကျန် လူငယ်တွေရဲ့ မြေအောက်သီချင်းတွေ မညစ်ပတ်ပါဘူး၊ မရိုင်းပါဘူးလို့ ကျနော်တစ်ခါမှ မပြောခဲ့ပါဘူး။ ကျနော်ပြောခဲ့တာက ''မကြိုက်ရင် နားမထောင်ပါနဲ့''လို့ ပြောတာပါ။ ဒီစကားကို လက်လွတ်စပယ် ပြောတယ်လို့ ထင်ရင် ကျနော် ထပ်ရှင်းပါမယ်။ ဒီသီချင်းတွေ၊ ဒီလှုပ်ရှားမှုတွေကတော့ ပေါ်နေပြီ၊ ဖြစ်နေပြီ။ မလိုလားတဲ့အရာဘဲ၊ တားရမယ်ဆိုတဲ့ အတွေးအခေါ်ဝင်လာပြီဆိုရင်တော့ ဒီအတွေးအခေါ်ဟာ ပြသနာရှိနေပြီလို့ ပြောရပါမယ်။ လွတ်လပ်တဲ့ ဒီမိုကရေစီနိုင်ငံကြီးတွေမှာတောင် ဒီလို ဂီတလှုပ်ရှားမှုမျိုးကို တားလို့မရပါဘူး။ တီဗီတွေကနေ၊ ဘုရားကျောင်းတွေကနေ နားမထောင်ကြနဲ့၊ ညစ်ညမ်းသီချင်းတွေလို့ပဲ တိုက်တွန်းပြောဆို နားသွင်းကြတယ်။ဘယ် သတင်းစာ၊ တီဗီတွေက သတင်းထောက်က ဒီသီချင်းတွေဟာ တရားမဝင် ထွက်နေတာ၊ တားပေးပါ၊ ပိတ်ပေးပါလို့ မပြောကြပါဘူး။ ပြောလည်း ဒါမျိုးကို အရေးယူဖို့ သူတို့မှာ ပုဒ်ထီး၊ ပုဒ်မတွေ မရှိဘူး။ နောက်ပြီး မြန်မာပြည်က သတင်းစာသမားအများစုက သူတို့ဟာ တိုင်းပြည်ရဲ့ မျက်လုံးဖြစ်တယ်ဆိုရင် တိုင်းပြည်အပေါ် အနရာယ်ရှိလာနိုင်မယ့်၊ အများပြည်သူ အကျိုးစီးပွါးအပေါ် ဆိုးကျိုးသက်ရောက်လာနိုင်မယ့် အချက်အလက်တွေကို ချက်ချင်းရေးသား တင်ပြခွင့်ရှိသူတွေပါ။ယဉ်ကျေးမှုနယ်ပယ်မှာ အထူးသဖြင့် ဂီတနယ်ပယ်မှာ ဒီလိုသီချင်းမျိုးတော့ လာမဆိုနဲ့ လာလုပ်လို့မရဘူးဆိုတဲ့အမြင်တွေဟာ နည်းလမ်းကျတယ်လို့ထင်နေကြရင် ဒီအပေါ်မှာ ကျနော် စောဒကတက်ဖို့ တွန့်ပြီလို့ ပြောရမှာပဲ။ ယဉ်ကျေးမှုစီးကြောင်းကို ထိန်းသိမ်းဖို့က သတင်းသမားတွေရဲ့ တာဝန်မဟုတ်ဘူး။ ဒါက သမိုင်းခေတ်ရေစီးကြောင်းက သတ်မှတ်ပေးမှာ။ ဒါမှ လူ့အဖွဲ့အစည်းတစ်ခုလုံးရဲ့ ယဉ်ကျေးမှုအရွေ့ကို ဒီလူ့အဖွဲ့အစည်းက ဆုံးဖြတ်မှာ။ သတင်းသမား အနည်းငယ်က ရှေ့ဆောင်ပြီး စာပေတာဝန်အနေနဲ့ မလုပ်ရဘူးလို့ ပြောချင်တာပါ။ နောက်တစ်ခုက ဂီတပဲဖြစ်ဖြစ် ဘယ်အနုပညာပဲဖြစ်ဖြစ် ဖန်တီးသူဟာ သူဖန်တီးလိုက်တဲ့ အနုပညာတိုင်းအပေါ် တာဝန်ခံရပါတယ်။သူ့အနုပညာ အကောင်းအဆိုးကို သူ့ပရိသတ်တွေက ဆုံးဖြတ်ကြပါတယ်။ ဆင်ဆာအဖွဲ့က စစ်ဗိုလ်ချုပ်တွေကို ဆုံးဖြတ်ခိုင်းတဲ့ သတင်းသမားတွေရဲ့သတိကို အင်မတန် အံ့သြပါတယ်။ ဒီလိုညစ်ညမ်းသီချင်းတွေဆိုလို့ ပရိသတ်က လက်မခံရင် ဆိုတဲ့သူဟာ အနုပညာလောကမှာ ရပ်တည်ဖို့ နေရာဆုံးရှူံးမှာပဲ။ ဒီကိစရှင်းရှင်းလေးကို ဘာဖြစ်လို့များ အရပ်ကူပါ လူဝိုင်းပါဆိုပြီး ပုံကြီးချဲ့ကြတာလဲ။မုန်းပါတယ်၊ ရွံပါတယ်ဆိုတဲ့ ဆင်ဆာအဖွဲ့က ဒီသီချင်းတွေ ဆိုတဲ့သူတွေကို အရေးယူလိုက်ပါပြီတဲ့။ ဘယ်သူတွေ ထိခိုက်သလဲ။ ကောင်းတာ၊ မကောင်းတာထား။ တီထွင်ဖန်တီးရတဲ့ အနုပညာအလုပ်ကို လုပ်နေသူအပေါ် မဆိုရ၊ မရေးရ၊ မထုတ်လုပ်ရ၊ မဖန်တီးရဖြစ်လာပြီဆိုရင် ဘယ်သူတွေ ထိခိုက်သလဲ။ ကျနော်ထောက်ပြတဲ့ကိစက ဒီသီချင်းတွေ နားထောင်လို့၊ ဆိုလို့ ထိခိုက်မှုထက် ဒီအပေါ်မှာ အရေးယူမှုလုပ်ဖို့ ပြောတဲ့၊ အရေးယူတဲ့အချက်ဟာ ဂျောက်ဂျက်တစ်ယောက်တင် မကဘူး။ လူ့အဖွဲ့အစည်းကြီးတစ်ခုလုံးကို အိုင်ဒီရော်လော်ဂျီအရကိုပါ ထိခိုက်တယ်လို့ ပြောချင်တာပါ။ စစ်အစိုးရနဲ့ အလိုတူအလိုပါဆိုတာ ဒါကို ဆိုလိုတာပါ။အခု ဂျောက်ဂျက်နဲ့ ညစ်ညမ်းသီချင်းတွေ အရေးယူပေးဖို့ ရေးတဲ့၊ ဝါဒဖြန့်တဲ့ သတင်းဌာနနဲ့ ရေးသူ သတင်းထောက်အတွက် ဆင်ခြင်ဖို့ပြောတာပါ။ ဆင်ဆာက သတိပေး ခံဝန်ထိုးခိုင်းပြီး သီချင်းဆိုခွင့် ထုတ်ခွင့် ပိတ်လိုက်တယ်။ အဓိကအားဖြင့် သတင်းရေးသူဘက်က ကျေနပ်လောက်စရာ ဖြစ်သွားတယ်။ ဇေယျာသော်တို့လို ထောင်ချဖမ်းဆီးလိုက်မယ်ဆိုရင် ဒီသတင်းရေးသူတွေ တသက်တာလုံး နောင်တရနေရမယ့် အဖြစ်မျိုးကို စဉ်းစားဖို့ပြောတာပါ။ ကျနော်ပြောတဲ့ ကျင့်ဝတ်ဆိုတာ အဲဒါပါပဲ။ကိုယ်မကြိုက်တဲ့ကိစ္စကို ကလောင်ကိုင်ထားတိုင်း ရေးချင်တာရေး၊ တိုင်ချင်တာတိုင်ခွင့်ရှိတာ သတင်းသမားတွေရဲ့တာဝန်မဟုတ်ဘူးဆိုတာ နားလည်ဖို့ပါ။ ကိုယ့်အာသီသပြည့်ဖို့၊ ကိုယ့်နဲ့အမြင်တူတဲ့သူတွေ သဘောကျစေဖို့အတွက် လူငယ်တွေရဲ့ခြေလှမ်းကို ရိုက်ချိုးတာ၊ နောင်သီချင်းဆိုလို့မရအောင် ဒုကပေးတာ မြန်မာ့ယဉ်ကျေးမှု ပျက်စီးတဲ့ဘေးက ကာကွယ်တာလို့ ကျနော်တော့ လုံးလုံး မယူဆဘူး။ စစ်ဗိုလ်တွေအားကိုးနဲ့ လူငယ်တွေကို ပန်းကောင်းအညွှန့်ချိုးတာလို့ပဲ မြင်တယ်။ကျနော်ပြောတဲ့ ''သတင်းတွေနဲ့လူသတ်တယ်''ဆိုတာ ဒါပါပဲ။ သီချင်းစာသားတွေ ရိုင်းတယ်၊ မရိုင်းဘူးဆိုတဲ့အပေါ် ဒီစာသားတွေက ယောက်ျားတွေအကြိုက် မိန်းကလေးတွေအပေါ် ရစရာမရှိအောင် ပြောထားတာမို့ ကြိုက်တာပေါ့ဆိုတဲ့ ပြောဆိုမှုမျိုးဟာ ကလေးဆန်ပါတယ်။ ဒီစာသားတွေ ရိုင်းတယ်ဆိုတာ မှန်တယ်။ ရိုင်းတိုင်း အရေးယူရမလား။ စဉ်းစားကြဖို့ပါ။ဒီကနေ့ အသက်၂ဝကျော်၊ ၃ဝ ဝန်းကျင်ရှိနေကြတဲ့ လူလတ်ပိုင်းတွေ၊ လူငယ်တွေရော သူတို့ဆယ်ကျော်သက်ဘဝ ဖြတ်သန်းလာခဲ့တဲ့ ပုဂလိက အတွေ့အကြုံတွေကို ပြန်သုံးသပ်ကြဖို့ လိုပါတယ်။ အပြာစာအုပ်လို့ခေါ်တဲ့ လိင်ပိုင်းဆိုင်ရာ ညစ်ညမ်းစာအုပ်တွေ၊ ညစ်ညမ်းပုံတွေဟာ မြေအောက်ဈေးကွက်မှာ သူ့ဟာသူ ရှိနေတာပဲ။ ကြိုက်တဲ့သူ ဖတ်၊ မကြိုက်တဲ့သူ မဖတ်နဲ့။ အတို့အထောင်လုပ်လို့ရှိရင် ဒီဈေးကွက်ကို အာဏာကိုင်ထားတဲ့လူတစ်စုက ဝင်ဖမ်း၊ ငွေညှစ်၊ ပြီးတော့ ပြန်လွှတ်။ ဒီဈေးကွက်ကြီး ပျက်သွားလို့လား။ ဒီမီဒီယာတွေကို လူတွေက ရွံ့စရာဆိုပြီးတော့ မကြည့်ကြတော့ဘူးလား။ကျနော်တို့ဟာ ဒီနေရာမှာတော့ အာဏာရှင်တွေနဲ့ အမြင်တူတယ် အတူတူတွဲလုပ်ရမယ်၊ ဒီနေရာမှာတော့ အမြင်မတူဘူး။ အတူတူ တွဲမလုပ်ဘူးဆိုတာမျိုးက အင်မတန်ကို မလုပ်သင့်တဲ့ အချက်ပါ။ ဆင်ဆာအဖွဲ့ ကင်ပေတိုင်ဟာ ဒီနေ့ စာနယ်ဇင်းသမားတွေအပေါ် အချိန်မရွေး ဒုကပေးနိုင်တဲ့ ဒုကပေးနေတဲ့ အဖွဲ့အစည်းပါ။ လွတ်လပ်ခွင့်အတွက် ဒီအဖွဲ့နဲ့ ဘယ်လိုအကြောင်းပြချက်နဲ့မှ အမြင်သဘောထား တူစရာ မလိုပါဘူး။ ဖိနှိပ်ရေး ယနရားတစ်ခုအပေါ် အားကိုးမယ်၊ သဘောတူညီမယ်ဆိုရင် (ပူးပေါင်းပြီးလုပ်မယ်ဆိုရင်တောင်) စာပေလွတ်လပ်ခွင့်တင် မကပါဘူး။ ဒီမိုကရေစီရဲ့ အခြေခံလွတ်လပ်ခွင့်တွေကို လုံးဝနားမလည်ဘူး လို့ ပြောရမှာပါပဲ။ကျနော်ပြောတဲ့ စည်းကမ်းပြည့်ဝသော သတင်းများရဲ့ အနှစ်ချုပ်က ဒါပါပဲ။ ဒီအပေါ်ကို ကျနော် စိတ်ဆိုး၊ ဒေါသထွက်တဲ့အတွက် ဆောင်းပါးရေးတာပါ။ ဒီဆောင်းပါးရဲ့ အစပိုင်းက လူငယ်ဂီတသစ် လှုပ်ရှားမှုကို ရှင်းပြပြီး သူတို့တွေဟာ ပုတ်သိုးဆွေးမြေ့နေတဲ့ အသိုင်းအဝိုင်းထဲက လူတွေနဲ့မနေဖို့လို့ ရေးတာက ဘာပဲလုပ်လုပ် ကျနော်တို့တွေဟာ ခေတ်ရဲ့လှုပ်ရှားမှုကို ကြည့်နေလို့ပဲရမယ်၊ တားလို့မရဘူး။ လူ့အသိုင်းအဝိုင်းက လက်မခံဘူးဆိုရင် ဂီတမပြောနဲ့ ဘယ်သူမှ ရပ်တည်လို့ မရပါဘူး။ အဲဒါကလည်း စီးကြောင်းတစ်ခုရဲ့ အချိန်ကာလပေါ်မှာပဲ မူတည်ပါတယ်။ကျနော်တို့ဟာ အမှောင်ထဲကနေ လူပီသဖို့အတွက် အာဏာရှင်တွေကို သွေးတွေ၊ ချွေးတွေ၊ ဘဝတွေ၊ အသက်တွေ ရင်းပြီးတိုက်နေကြပေမယ့် အဲဒီအမှောင်ထဲမှာပဲ ကျနော်တို့လည်မျိုကို ညှစ်မယ့် ဖိနှိပ်ရေးတွေကို အားကိုးပြီး အချင်းချင်းဒုကပေးတဲ့ စိတ်ဓါတ်မျိုးဟာ ကျနော်တို့ လူ့အဖွဲ့အစည်းကိုပဲ အနရာယ်ပေးပါလိမ့်မယ်။ ကျနော်ပြောနေတာ ဒီမိုကရေစီရဲ့ စံနှုန်းနဲ့ ကျင့်ဝတ်တွေကို တန်ဖိုးထားဖို့ပါ။ ကိုယ့်ညီအစ်ကို နှမသားချင်းတွေ နားမထောင်စေချင်ဘူးဆိုရင် နားမထောင်ဖို့ ကိုယ့်ဟာ့ကိုယ် ပြောပေါ့။ မောင်နဲ့နှမ သားနဲ့အမိ ကြားလို့မတော်ဘူးလို့ ပြောရအောင် ညစ်ညမ်းစာသား၊ ညစ်ညမ်း ရုပ်ပုံတွေကို တစ်ကမာလုံးမှာ ဘယ်လူကမှ မောင်နဲ့နှမ၊ သားနဲ့အမိ တွဲမကြည့်၊ မဖတ်၊ နားမထောင်ကြပါဘူး။ဂျောက်ဂျက်နဲ့ မြေအောက်ဟစ်ပ်ဟော့ပ်သီချင်းတွေ ပလူပျံနေတာကို အနရာယ်များတယ်ထင်ရင် တိုင်တာတောတာထက် ပိုပြီးအပြုသဘောဆောင်တဲ့အလုပ်မျိုး သတင်းသမားတွေ လုပ်လို့ရပါတယ်။ ကျနော်လည်း သတင်းလောကက လာခဲ့တဲ့အတွက် သတင်းတစ်ပုဒ်ဟာ အပြုသဘောလား၊ အပျက်သဘောလားဆိုတာ သတင်းထောက်ရဲ့လက်ကို ကောင်းကောင်းနားလည်ပါတယ်။ အခု ပြည်တွင်းပြည်ပ မီဒီယာအချို့က ဒီသတင်းနဲ့ပတ်သက်ပြီး ရေးခဲ့တဲ့ သတင်းတွေကို ပြန်ဖတ်ကြည့်ပါ။ တရားမျှတမှုရှိရဲ့လားဆိုတာ ပြန်စဉ်းစားပါ။ နေရာတိုင်းမှာ ကိုယ်နဲ့သဘောတူတဲ့သူတွေရှိသလို သဘောမတူတဲ့သူတွေရှိတယ်ဆိုတာ ပြန်စဉ်းစားဖို့ပါ။ကျနော်တို့တွေဟာ ကိုယ်ကိုယ်တိုင်ကဖြစ်စေ၊ လူ့အသိုင်းအဝိုင်းကဖြစ်စေ မှားခဲ့တဲ့ အမှားတွေကို သတိထားဆင်ခြင်ပြီး အမှားမများအောင် အသက်ရှင်ရပ်တည်ဖို့ ကြိုးစားကြသူတွေပါ။ ဦးနေဝင်းခေတ်က တစေသရဲ၊ စုန်းကဝေကားတွေကို မရိုက်ရ၊ မထုတ်ရဆိုပြီး ပိတ်ပင်ခဲ့ပါတယ်။ သူတို့ရဲ့စေတနာကတော့ လူ့အဖွဲ့အစည်းမှာ ခြောက်ခြားမှုတွေ၊ တုန်လှုပ်မှုတွေ၊ မကြည့်သင့်တာတွေ မကြည့်စေချင်တာပါပဲ။ ဒီလိုပိတ်လိုက်တော့ရော မြန်မာပရိသတ်တွေက စုန်းကဝေ သရဲကားတွေကို လုံးဝ မကြည့်တော့ဘူးလား။ ကြည့်တာပေါ့။ မြန်မာကားမကြည့်ရတော့ နိုင်ငံခြားကားတွေ ကြည့်တာပေါ့။ ဒီလိုကြည့်တော့ ကျနော်တို့တွေအားလုံး စာရိတပိုင်းမှာ ချို့ယွင်းသွားရောတဲ့လား။အခုတော့ ပြန်ကြားရေးဝန်ကြီးကို နားဝင်အောင် တောင်းပန်ပြီး မြန်မာသရဲကားတွေ၊ လူသတ်ကားတွေ ပြန်ရိုက်ခွင့် ရနေတယ်။ အကန့်အသတ်နဲ့ပါ။ ကျနော်ပြောတာက ကိုယ်နဲ့အမြင်၊ သဘောထားမတူတဲ့ ဖြစ်ရပ်တွေပေါ်လာတိုင်း သည်းခံစိတ်ထားပြီး အမြင်ကျယ်ကျယ်နဲ့ ရေရှည်ကြည့်တတ်စေချင်တာပါ။ မျက်စိတမွှေးပဲကြည့်ပြီး ငြါ မြသအ့နမ စိတ်ဓါတ်မျိုးနဲ့ ပိတ်ဆို့ကန့်သတ်တဲ့ စရိုက်ကို မကြိုက်တာပါ။ ဒီလိုစရိုက်မျိုးနဲ့ဆိုရင် နေပြည်တော်ကပြောတဲ့ စည်းကမ်းပြည့်ဝတဲ့ ငြါ မြသအ့နမ ဒီမိုကရေစီနဲ့ပဲ ထိုက်တန်တယ်လို့ ကျနော်စွပ်စွဲတာပါ။အခုဟာက ထစ်ခနဲရှိ ရဝတလူကြီးကိုပြေးတိုင်တဲ့ စရိုက်မျိုးကို ရှုတ်ချတာပါ။ သတင်းသမားအဖြစ် အသက်မွေးဝမ်းကျောင်းမယ်ဆိုရင် သတိထားရမယ့်အချက်ကို ပြောတာပါ။လွန်ခဲ့တဲ့ (၁၂)နှစ်လောက်က ကွယ်လွန်သွားပြီဖြစ်တဲ့ စာရေးဆရာမကြီး၊ သတင်းစာဆရာမကြီးဆီ ကျနော်နဲ့ လုပ်ဖော်ကိုင်ဖက်တွေက စာကြည့်တိုက်ဖွင့်ဖို့ စာအုပ်အလှူခံရင်း ဆရာမကြီးဆီ ကန်တော့ဖို့လည်း ရောက်သွားပါတယ်။ ဆရာမကြီးကို ဦးချပြီးတော့ ကျနော်တို့ထဲကတစ်ယောက်က လာရင်းကိစဖြစ်တဲ့ အလှူခံတဲ့အကြောင်း ပြောရင်း အပေါစား၊ အပျော်ဖတ်စာအုပ်တွေ ကျနော်တို့စာကြည့်တိုက်မှာ မတင်လိုတဲ့အကြောင်း ပြောပြပါတယ်။ အဲဒီမှာ ဆရာမကြီးက စာပေ၊ စာပေပဲကွ၊ အပေါစားတွေ အပျော်ဖတ်တွေ မရှိဘူးလို့ ပြန်ရှင်းပြပါတယ်။ ကျနော်က သိုင်းဝတုတွေ၊ မီကိုဇူးဇင်တို့ နိုကိုဇူးဇင်တို့ရဲ့ အပြာဆန်ဆန် အရေးအသားတွေကို အပြင်းအထန်ရှုတ်ချနေသူကိုး။ အဲဒီကစပြီး ကျနော်သင်ခန်းစာတစ်ခုအနေနဲ့ ယူခဲ့ပါတယ်။ ကျနော်မကြိုက်တိုင်း အပေါစား၊ အညံ့စားလို့ အမျိုးအစားခွဲတာကို ရပ်တန်းက ရပ်ခဲ့ပါတယ်။ မကြိုက်တဲ့စာကို မဖတ်တော့ဘူး။ မကြိုက်တဲ့သီချင်းလည်း နားမထောင်တော့ဘူး။ကျနော်တို့က ပြတင်းပေါက်တော့ ဖွင့်ချင်တယ်။ ခြင်တွေ ယင်တွေဝင်လာမှာကိုတော့ လုံးဝမကြိုက်ဘူး။ ဝင်လာတာနဲ့ ပြတင်းပေါက်ကို ပြေးပိတ်တဲ့၊ ပြေးပိတ်ခိုင်းတဲ့ အလုပ်မျိုးကို လုပ်ချင်ကြတယ်။ ကိုယ့်အချင်းချင်း လူချချင်ကြတယ်။ ဒါတွေ မလုပ်ကောင်းဖူးလို့ ကျနော်ဆိုလိုတာပါ။ ကျနော့်ဆောင်းပါးကို ဆန့်ကျင်တဲ့သူတွေရော၊ မဆန့်ကျင်တဲ့သူတွေရော နားလည်စေချင်တာပါပဲ။ကျေးဇူးတင်ပါတယ်။
(သြော် .. ဒါထက် စကားမစပ်။ ကျနော်ဟာ လစ်ဘရယ်ဒီမိုကရေစီရဲ့ တန်ဖိုးတွေကို အသွေးအသားထဲကကို ယုံကြည်သူတစ်ယောက်ပါ။) နေသန်မောင်