သမ္မတအိုဘားမားကျမ်းကျိန်ပွဲကို ဂြိုလ်သားတွေလာရောက်ကြည့်ရှုခဲ့လေသလား

၂၇ ဇန္န၀ါရီ ၂၀၀၉။

ပန်းကန်ပြားပျံ(UFO)ဟု ယုံကြည်ရဖွယ်ရှိသော အရာတစ်ခုသည် အမေရိကန်သမ္မတ ဘာရတ်အိုဘားမား၏ ကျမ်းကျိန်ပွဲကျင်းပရာနေ့က ကောင်းကင်ယံတွင် ၀ဲပျံနေခဲ့ကြောင်း ဗီဒီယိုမှတ်တမ်းအရ သိရှိလာရသည်။ ဇန်န၀ါရီလ (၂၀)ရက်နေ့က အိုဘားမား၏ မိန့်ခွန်းပြောဆိုနေချိန်အတွင်း ၀ါရှင်တန်မြို့ ကောင်းကင်ယံတွင် ပျံသန်းနေသည့် အမည်မသိ အရာတစ်ခုကို CNNသတင်းဌာနက မှတ်တမ်းတင် ရိုက်ကူးလိုက်နိုင်ပြီးနောက် စကြာဝဠာအတွင်းရှိ အခြားဂြိုဟ်များမှ သက်ရှိများသည် ကမ္ဘာဂြိုဟ်အရေးကို စိတ်ဝင်စားနေနိုင်ကြောင်း UFOလေ့လာရေး အသင်းအဖွဲ့များ၏ ကောက်ချက်များအား ပိုမိုခိုင်မာလာစေခဲ့သည်။ လက်ရှိအချိန်တွင် YouTube ၀က်ဘ်ဆိုက်၌ တင်ထားသော အဆိုပါ ဗီဒီယိုသည် လူကြည့်အများဆုံး ဖြစ်နေပြီး ထိုဗီဒီယို အပိုင်းလေးအား ဇန်န၀ါရီလ (၂၅)ရက်နေ့ကမှ Onlineပေါ် လွှင့်တင်ခဲ့ခြင်းဟု သိရသည်။
လူနှစ်သန်းခန့် တက်ရောက်ခဲ့သည့် ကမ္ဘာ့ထိပ်သီး နိုင်ငံကြီး၏ သမ္မတဖြစ်သူ အိမ်ဖြူတော်တက်ပွဲကို ဂြိုဟ်သားများအနေနှင့် အထူးအဆန်းအဖြစ် လာရောက်လေ့လာခြင်း ဖြစ်နိုင်ကြောင်း UFOများကို ယုံကြည်သူများက ထင်ကြေးပေးနေကြသည်။ လက်ရှိအချိန်တွင် ကျယ်ကျယ်ပြန့်ပြန့် ထွက်ပေါ်နေသည့် မေးခွန်းတစ်ခုမှာ လုံခြုံရေး တင်းကြပ်စွာချထားသည့် ၀ါရှင်တန်မြို့အတွင်း အဆိုပါ UFOဟုယူဆရသောအရာ ပျံသန်းနေချိန်တွင် အမေရိကန် လေတပ်မတော်အနေနှင့် မည်သို့မျှ တုန့်ပြန်ခဲ့ခြင်းမရှိသည်မှာ အဘယ်ကြောင့်နည်းဆိုသော မေးခွန်းပင်ဖြစ်သည်။ အချို့ကလည်း UFOကို အမေရိကန်၏ ထောက်လှမ်းရေး ရေဒါများတွင် ထောက်လှမ်းတွေ့ရှိမှု မရှိသောကြောင့် ဖြစ်နိုင်ကြောင်း ပြောကြားထားပြီး စစ်တပ်ကမူ တစုံတရာ သတင်းထုတ်ပြန်မှု မရှိသေးပေ။ ထိုပန်းကန်ပြားပျံသည် ကမ္ဘာမြေကို ထောက်လှမ်းရုံသက်သက်သာဖြစ်ပြီး အန္တရာယ်ပြုလိုသည့် အရိပ်အယောင်မျိုး မရှိခဲ့ကြောင်းလည်း CNN၏ ဗီဒီယိုအရ သိရှိရကြောင်း ထိုဗီဒီယိုကို ကြည့်ရှုခဲ့သူများက မှတ်ချက်ပြု ပြောဆိုသွားကြောင်း သတင်းရရှိသည်။

true myanmar မှတဆင့်ဖေါ်ပြပါသည်။