၂၀ ဇ္န၀ါရီ ၂၀၀၉။ ဗွီအိုအေမြန်မာပိုင်း
သြစတြေးလျ ကမ်းခြေစောင့်တပ်က မြန်မာငါးဖမ်းသင်္ဘောသားနှစ်ယောက်ကိုကယ်တင်ခဲ့ပါတယ်။ သူတို့နှစ်ယောက်ဟာလှေနစ်ပြီး ၂၅ ရက်ကြာ ပင်လယ်ထဲမှာမျောနေတာဖြစ်ပါတယ်။
တောရက်စ် ရေလက်ကြား (Torres Strait)မှာ သူတို့နှစ်ယောက်ဟာ ရေခဲပုံးကြီးတခုကိုတွဲပြီး မျောနေတာကို ကမ်းခြေစောင့်တပ်တွေက တွေ့ခဲ့တာဖြစ်တယ်လို့သြစတြေးလျ အရာရှိတွေက တနင်္လာနေ့က ပြောပါတယ်။
အဲဒီရေလက်ကြားက သြစတြေးလျနဲ့ ပါပူဝါ နယူးဂီနီကြားမှာ ရှိပါတယ်။ ရဟတ်ယာဉ်တစင်းနဲ့ သူတို့ကို ဆွဲတင်ခဲ့ပြီး ကြာသပတေးနေ့တုန်းက ဆေးရုံကို တင်ပေးထားခဲ့ပါတယ်။
သူတို့နှစ်ယောက် အလုပ်လုပ်ခဲ့ကြတဲ့ ငါးဖမ်းလှေဟာ ခရစ္စမတ်မတိုင်မီ နှစ်ရက်မှာပျက်စီးသွားခဲ့တယ်လို့ သူတို့က ဆိုပါတယ်။ အဲဒီနေရာက သြစတြေးလျ မြောက်ဘက်ကမ်းခြေကနေ ရေမိုင် ၂၀၀ လောက်အကွာမှာ ရှိပါတယ်။
သူတို့နှစ်ယောက်လုံး အသက် ၂၀ ကျော်အရွယ်တွေ ဖြစ်ကြပြီး ငါးတွေလှောင်ရာမှာသုံးတဲ့ ရေခဲပုံးအကြီးကြီးကို တွယ်ဖက်ပြီး အသက်ရှင်ခဲ့ကြရတာပါ။ တခြား ငါးဖမ်းလုပ်သား ၁၈ ယောက် အသက်ရှင်မရှင်ကိုတော့ သူတို့မသိပါဘူးလို့ ပြောပါတယ်။အဲဒီလူတွေက ထိုင်းနဲ့ မြန်မာလူမျိုးတွေ ဖြစ်ကြပါတယ်။
ပင်လယ်ပြင်မျော မြန်မာနှစ်ဦး သြစတြေးလျ ကမ်းခြေစောင့်တပ် ကယ်တင်
Subscribe to:
Post Comments (Atom)
Posts
Comments :
Post a Comment