တောင်ငူမှာ စိန်တွေ့သည် ဆိုသောသတင်း ပျံ့နေ

တင့်လွင်/တောင်ငူ သြဂုတ် ၂၇၊ ၂၀၀၈ (ဧရာဝတီ)

ပဲခူးတိုင်း တောင်ငူမြို့အရှေ့ဘက် ကျောက်အိုးရွာ ဘုန်းတော်ကြီးကျောင်းအနီး စမ်းချောင်းအတွင်း၌ လွန်ခဲ့သည့် ၂ ပတ်ခန့် မှစပြီး စိန်တွေ့ရှိသည်ဟူသော သတင်းကြောင့် စိန်ရှာဖွေသည့် လူပေါင်းသောင်းနှင့်ချီ ရောက်ရှိလာ၍ မကြာမီ အလယ်ပိုင်း တိုင်း စစ်ဌာနချုပ်က ပုဒ်မ ၁၄၄ ထုတ်ပြန်ကာ ပိတ်ပင်တားမြစ်လိုက်သည်။
တောင်ငူမြို့နှင့် ၁၂ မိုင်ခန့် ကွာဝေးသော ဇရက်ကြီးဘက်သို့သွားသည့် ကားလမ်းနံဘေးရှိ ကျောက်အိုးကျေးရွာ ဘုန်းတော် ကြီးကျောင်း ဆရာတော်၏ အိပ်မက်အရ ကျောက်အိုးချောင်းတွင် စိန်နှင့် တခြားသော ကျောက်မျက် ရတနာများကို ကျင်သူ များက တွေ့ရှိရသည်ဟု ဒေသခံများက ပြောသည်။
ထိုသတင်းဖြစ်ပေါ်ရာ နေရာသို့ တောင်ငူမြို့နှင့် အနီးတ၀ိုက်မှ လူများက သွားရောက် စိန်ကျင်ခဲ့ကြပြီး တွေ့ရှိလာသည့် စိန်များကို တောင်ငူမြို့ပေါ်တွင် ရောင်းချကြရာမှ ပိုမို သတင်းကြီးခဲ့ခြင်း ဖြစ်သည်ဟု ဆိုသည်။
ယင်းစိန် တွေ့ရှိသည်ဟူသောနေရာမှ မကြာသေးခင်က ပြန်လာသော ဆိုက္ကားသမား ကိုမောင်မြင့်က တနင်္လာနေ့က စတင်ပြီး ပုဒ်မ ၁၄၄ ထုတ်လိုက်သောကြောင့် ယခုအခါ မည်သူမျှသွား၍ မရတော့ကြောင်း ပြောပြသည်။
“ပြီးခဲ့တဲ့ တပတ်ကျော်က အဲဒီချောင်းမှာတွေ့တဲ့ စိန်တပွင့်ကို ပွဲစားတယောက်က ကျပ် သိန်း ၃၀ နဲ့ ၀ယ်ခဲ့ပြီး တောင်ငူမြို့ ပေါ်လာရောင်းတော့ သိန်း ၁၅၀ ရသွားတယ်ဆိုတဲ့သတင်း တမဟုတ်ချင်း ပြန့်သွားပြီး လူတွေ စုပြုံ ဆင်းသွားကြတော့ တာပဲ၊ ကျနော်တို့လည်း ရလိုရငြား လိုက်သွားပြီး သွားကျင်တာပေါ့၊ ၃-၄ ရက်ပဲ ကျင်လိုက်ရပြီး ဆရာတော်က လူအုပ်ကို မထိန်းနိုင်လို့ စစ်တပ်နဲ့ရဲကို သွားခေါ်တယ်၊ အဲဒါနဲ့ စစ်တပ်က တနင်္လာနေ့က စပြီး ပုဒ်မ ၁၄၄ ထုတ်လိုက်တော့ အခု ဘယ်သူမှ အဲဒီနေရာကို သွားလို့ မရတော့ဘူး၊ စိန်ရတဲ့သူတော့ ရကြတယ် ပြောတာပဲ”ဟု ၎င်းက ဆိုသည်။
လွန်ခဲ့သည့် တနင်္ဂနွေနေ့က ရွှေကျင်သူများ အပါအ၀င် အနီးအနားမှ လာရောက်ကြည့်ရှုသူများမှာ လူပေါင်း ၃-၄ သောင်း ၀န်းကျင်ရှိ၍ ထိုလူများကို ထိန်းသိမ်းရန် အသက် ၈၀ ခန့်ရှိ ဆရာတော် ဦးသောဘိတက စစ်တပ်နှင့်ရဲကို အကူအညီတောင်း သောကြောင့် သြဂုတ် ၂၅ ရက်စွဲဖြင့် ပုဒ်မ ၁၄၄ ကိုထုတ်ပြန်ခဲ့ရာ ယင်းအမိန့်သည် တလ ကြာမြင့်မည်ဖြစ်ကြောင်း သိရသည်။
အဆိုပါ နေရာမှ ပြန်လာသည့် တခြားသောဒေသခံ တဦးကလည်း “ကျင်လို့ရတဲ့သူ တယောက်ဆီမှာ ကျနော် တွေ့လိုက် တာကတော့ ဘုရား စိန်ဖူးက စိန်လိုမျိုး၊ လေးငါးမြှောင့် ချွန်ချွန်နဲ့ သိပ်အကြီးကြီးတော့ မဟုတ်ဘူး၊ တလက်မရဲ့ ၄ ပုံ ၃ ပုံ အရှည်လောက်ရှိမယ်၊ နောက်သတင်းကြားတာက မိန်းမတယောက်ရတဲ့ ရွေးစေ့အရွယ်ရှိတဲ့ ညောင်ရွက်ပုံ စိန်ကို တောင်ငူ မှာ သွားရောင်းတာ ၀ယ်မယ့် ဆိုင်က ဈေးမဖြတ်တတ်ဘူး ဆိုတာနဲ့ အဲဒီ မိန်းမလည်း မရောင်းတော့ဘဲ တခြားမြို့ကို တက်သွားတယ်လို့ ဒီရက်ပိုင်းမှာပဲ ကြားလိုက်တယ်”ဟု ပြောဆိုသည်။
ထိုကျောက်အိုးချောင်း အနီးတ၀ိုက်တွင် ဘုရားပြို ဘုရားပျက်အများအပြားရှိပြီး ယခင်ကတည်းက ရွှေကျင်နိုင်သည့် နေရာ အဖြစ် သိရှိခဲ့သော်လည်း တလမှတကြိမ် ၂ ကြိမ်ခန့်သာ တွေ့ရှိရပြီး ယခုကဲ့သို့ နေ့စဉ်လိုလို တွေ့ရှိခဲ့ခြင်းမရှိကြောင်း သတင်းများထွက်ပေါ်ခဲ့ခြင်းဖြစ်သည်။ယခုအခါ ယင်းစိန်ကျင်သည့် ကျောက်အိုးချောင်းတ၀ိုက်တွင် ထမင်းဆိုင်၊ ခေါက်ဆွဲဆိုင် စသည့် စားသောက်ဆိုင်များဖြင့် စည်ကားလျှက်ရှိပြီး ကျပ် ၅၀၀ ပေးရသည့် ပလတ်စတစ် ဆန်ခါဖြင့် ချောင်းထဲတွင် ၄ ပေခန့်အကျယ် နေရာယူ၍ တဦးနှင့် တဦး နီးနီးကပ်ကပ် တိုးဝှေ့ စိန်ကျင်ကြသည်ဟု ပြန်လာသူများက ဆိုသည်။