ကုလသမဂ္ဂ လူ့အခွင့်အရေး အထူးကိုယ်စားလှယ်သစ် မြန်မာနိုင်ငံရောက်ရှိ

NEJ/ ၄ သြဂုတ် ၂၀၀၈

ကုသလသမဂ္ဂ လူ့အခွင့်အရေး အထူးကိုယ်စားလှယ် တောမတ်စ် အိုဟေး ကွင်တန်နာ ကုသလသမဂ္ဂ၏ မြန်မာနိုင်ငံဆိုင်ရာ လူ့အခွင့်အရေး အထူး ကိုယ်စားလှယ်သစ် တောမတ်စ် အိုဟေး ကွင်တန်နာသည် ပထမဆုံးအကြိမ်အဖြစ် ယမန်နေ့ ညနေပိုင်းက မြန်မာနိုင်ငံ ရန်ကုန်မြို့သို့ ရောက်ရှိသည်။
တောမတ်စ် အိုဟေး ကွင်တန်နာသည် ယခုရာထူးကို ပြီးခဲ့သည့် မေလတွင် တာဝန်ယူခဲ့ပြီးနောက် မြန်မာနိုင်ငံသို့ လာရောက် ခြင်းဖြစ်ပြီး လာမည့် ကြာသတေးနေ့တွင် ၎င်း၏ ခရီးစဉ် ပြီးဆုံးမည် ဖြစ်ကာ ကြားကာလအတွင်း အစိုးရအရာရှိများ၊ တိုင်းရင်းသားအဖွဲ့အစည်းများ၊ နိုင်ငံရေးပါတီများနှင့် တွေ့ဆုံရန် ရည်ရွယ်ထားပြီး မြန်မာနိုင်ငံတွင် လူ့အခွင့်အရေး အခြေ အနေများ တိုးတက်ရေးအတွက်လည်း ဗိုလ်ချုပ်ကြီးများနှင့် ပွင့်ပွင့်လင်းလင်း ပြောဆိုမည်ဖြစ်သည်ဟု အေအက်ဖ်ပီ သတင်းတွင် ဖော်ပြသည်။
ကွင်တန်နာက ပြီးခဲ့သည့် မေလတွင် တိုက်ခတ်သွားခဲ့သော မုန်တိုင်းသင့် ဒေသများသို့ သွားရောက် လေ့လာလိုကြောင်းလည်း သတင်းတွင် ပါရှိသည်။
“သူ ဗုဒ္ဓဟူးနေ့မှာ နေပြည်တော်ကို သွားပြီး ကျနော်တို့ရဲ့ အစိုးရ အရာရှိတွေနဲ့ တွေ့ဆုံဆွေးနွေး ဖြစ်မယ် ထင်တယ်” ဟု စစ်အစိုးရဘက်မှ အမည်မဖော်လိုသူ အရာရှိတဦးက အေအက်ဖ်ပီသို့ ပြောသည်။
ဒီမိုကရေစီရေး လှုပ်ရှားမှုများကို ဖိနှိပ်မှုများအပါအ၀င်၊ တိုင်းရင်းသားအဖွဲ့အစည်းများကို နှိပ်ကွပ်မှု၊ အတိုက်အခံများကို ဖမ်းဆီးအကျဉ်းချမှု၊ ပြီးခဲ့သည့် စက်တင်ဘာတွင် ဆန္ဒပြသူများကို အကြမ်းဖက် နှိမ်နင်းခဲ့မှုတို့ ပြုလုပ်ခဲ့သဖြင့် ကုလသမဂ္ဂနှင့် လူ့အခွင့်အရေးအဖွဲ့အစည်းများ၊ နိုင်ငံခြားအစိုးရ များက စစ်အစိုးရကို ရက်စက်သည့် အစိုးရအဖြစ် စွပ်စွဲပြောဆိုခဲ့သည်။
ပြီးခဲ့သည့် ဧပြီလတွင် လုပ်ပိုင်ခွင့် တာဝန်ပြီးဆုံးသွားသည့် ကုလသမဂ္ဂ လူ့အခွင့်အရေး အထူး ကိုယ်စားလှယ် ပီညဲရိုး၏ နောက်ဆုံးအစီရင်ခံစာနောက်ပိုင်း မြန်မာနိုင်ငံတွင် လူ့အခွင့်အရေးနှင့် ပတ်သက်သည့် အခြေအနေများသည် အကောင်းဘက် ပြောင်းလဲလာခြင်း မရှိသေးဟု ကွင်တန် နာက ပြီးခဲ့သည့် ဇွန်လတွင် ပြောခဲ့သည်။
ပီညဲရိုးသည် မြန်မာနိုင်ငံသို့ ၂၀၀၃ ခုတွင် ပထမဆုံးအကြိမ်လာရောက်ခဲ့ပြီး ပြီးခဲ့သည့်နှစ် စက်တင် ဘာအရေးအခင်းပြီးနောက်ပိုင်း နိုဝင်ဘာတွင် နောက်ဆုံးအကြိမ် သွားရောက်ခဲ့သည်။
စက်တင်ဘာတွင် သံဃာတော်များ ဦးဆောင်ကာ ပြည်သူများ သိန်းချီ၍ စစ်အစိုးရကို ဆန့်ကျင် ဆန္ဒပြခဲ့သဖြင့် စစ်အစိုးရက အကြမ်းဖက်နှိမ်နင်း ပစ်ခတ်ခဲ့ရာ အနည်းဆုံး လူ (၃၁) ဦး သေဆုံးပြီး (၇၄) ဦး ပျောက်ဆုံးခဲ့သည်ဟု အချက်အလက်များ ရှာဖွေမှုစုဆောင်းပြီး ပီညဲရိုးက တင်ပြခဲ့သည်။
မစ္စတာ ကွင်တန်နာသည် မြန်မာနိုင်ငံ ရောက်ရှိနေစဉ်အတွင်း နေအိမ်အကျယ်ချုပ်ကျခံနေရသည့် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည့်နှင့် တွေ့ဆုံခွင့်ရ မရဆိုသည်ကိုမူ အမျိုး သားဒီမိုကရေစီအဖွဲ့ချုပ် (အန်အယ်လ်ဒီ) က မည်သို့မျှ မကြားသိရသေးကြောင်း ပြောသည်။
ယခင်က ပီညဲရိုးနှင့် တွေ့ဆုံခွင့်ရသကဲ့သို့ ကွင်တန်နာနှင့်လည်း တွေ့ဆုံရန် မျှော်လင့်ကြောင်း အဖွဲ့ချုပ် ပြောရေးဆိုခွင့်ရှိသူ ဦးဥာဏ်ဝင်းက ပြောကြားသည်။ ။

ခေတ်ပြိုင်