ဒေါ်အောင်ဆန်းစုကြည် တရားခွင်သွားလေ့လာမဲ့ ဗြိတိသျှရှေ့နေတွေ တားဆီခံခဲ့ရ

၁၇ မေလ ၂၀၀၉။ ဘီဘီစီ
အကျယ်ချုပ်ဥပဒေချိုးဖောက်ခဲ့တယ်ဆိုတဲ့ စွဲချက်နဲ့ တရားစွဲခံထားရတဲ့ ဒေါ်အောင်ဆန်းစုကြည်ရဲ့ အမှုကို တနင်္လာနေ့မှာ ရုံးတင်စစ်ဆေးဖို့ရှိတာမို့ အဲ့ဒီ့တရားခွင့်ကို သွားရောက်လေ့လာဖို့အတွက်
ဗြိတိသျှရှေ့နေတွေဖွဲစည်းထားတဲ့ မြန်မာနိုင်ငံဆိုင်ရာရှေ့နေများကောင်စီက လန်ဒန်မြို့မှာရှိတဲ့ မြန်မာသံရုံးမှာ ပြည်ဝင်ခွင့်ဗီဇာတောင်းခဲ့ရာမှာ ဗီဇာမရဘူးလို့သိရပါတယ်။
ဒီရုံးတင်စစ်ဆေးမှုဟာ နိုင်ငံတကာက စည်းမျဉ်းနဲ့ ကိုက်ညီမညီ၊ တရားမျှတမှု ရှိ မရှိ၊ တခါ လူထုရှေ့မောက်မှာလုပ်တဲ့ ရုံးတင်စစ်ဆေးမှုလား၊ တရားခွင်အတွက် ပြင်ဆင်ချိန် အလုံအလောက်ပေးသလား၊
မျက်မြင်သက်သေတွေကိုရော အသေအချာ စစ်ဆေးမေးမြန်းသလား စတာတွေနဲ့အတူ အရေးကြီးဆုံးအချက်က ဒီတရားခွင်ကို စီရင်ချက်ချမဲ့ တရားသူကြီးဟာ ဘက်မလိုက်တဲ့ သီးခြားရပ်တည်တဲ့ တရားသူကြီးဖြစ် မဖြစ်
ဆိုတာတွေကို စောင့်ကြည့်အကဲခတ်ဖို့အတွက် အခုလိုမြန်မာပြည်ကို သွားခွင့်တောင်းခဲ့တာလို့ အဲဒီ့အဖွဲ့ကို ဦးဆောင်တဲ့ ဗြိတိသျှဘားမားကောင်စီ ဥက္ကဌဟောင်း ၀တ်လုံတော်ရကြီး Timothy Dutton က ဘီဘီစီကို ပြောပါတယ်။

အကျယ်ချုပ်ဥပဒေ ချိုးဖောက်မှုနဲ့ ဒေါ်အောင်ဆန်းစုကြည်ကို အာဏာပိုင်တွေက တရားစွဲထားတာနဲ့ပတ်သက်လို့လည်း Mr Dutton က ကိုယ်နေတဲ့အိမ်ကို လူတစ်ယောက် ကျူးကျော်ဝင်လာတဲ့အတွက် အိမ်ရှင်မှာရာဇ၀တ်မှုမြောက်တယ်ဆိုတာကတော့ အတော့်ကိုရီစရာကောင်းပါတယ်။

ဥပဒေလိုက်နာတဲ့ နိုင်ငံတိုင်းအနေနဲ့ ကိုယ့်နိုင်ငံသား ပြည်သူတွေအပေါ် မျှတတဲ့ရုံးတင်စစ်ဆေးမှုတွေလုပ်ဖို့လိုကြောင်း မြန်မာအစိုးရအနေနဲ့ မြန်မာ့ လွတ်လပ်ရေးဖခင်ကြီးရဲ့ သမီးဖြစ်သူကို ထောင်တရားရုံးမှာ တံခါားပိတ်ပြီး ရုံးတင်စစ်ဆေးမယ်ဆိုတာက
လုံးဝမဆီလျော်တဲ့ကိစ္စဖြစ်ကြောင်း၊ ပြည်တွင်းရေးကိစ္စဆိုပြီး၊ လူထုကိုအသိမပေးဘဲ လုပ်လို့မရကြောင်း ဒါကြောင့် ဒီအမှုကို နိုင်ငံတကာက သတ်မှတ်ထားတဲ့ ဥပဒေစည်းမျဉ်းတွေအရ လူထုရှေ့မှောက်မှာ ရုံးတင်စစ်ဆေးဖို့လိုကြောင်း Mr Dutton က ဘီဘီစီကို ပြောသွားပါတယ်။

ဒီအတောအတွင်းမှာဘဲ ဒေါ်အောင်ဆန်းစုကြည်ရဲ့ အမှုမှာ လိုက်ပါဆောင်ရွက်ဖို့ စီစဉ်နေတဲ့ ရှေ့နေကြီး ဦးအောင်သိန်းနဲ့ ရှေ့နေကြီး ဦးခင်မောင်ရှိန်တို့ရဲ့ ရှေ့နေလိုင်စင်တွေကို အာဏာပိုင်တွေက သောကြာနေ့ညက ပြန်လည်ရုတ်သိမ်းလိုက်ပါတယ်။