၃၀၊ အောက်တိုဘာ၊ ၂၀၀၈
ရန်ကုန်တိုင်း အင်းစိန်အထူးတရားရုံးတွင် ကျောင်းသားခေါင်းဆောင် ကိုမင်းကိုနိုင်အပါအ၀င် ကျောင်းသားခေါင်းဆောင် (၉)ဦးအား တရားရုံးကိုမထီမဲ့မြင်ပြုလုပ်မှုဖြင့် ထောင်ဒဏ်(၆)လစီ ချလမှတ်လိုက်ကြောင်း သတင်းရရှိပါသည်။
လွန်ခဲ့သည့် ရက်များအတွင်းက ၄င်းတို့ကိုတရားရုံးသို့ ရုံးထုတ်စဉ် ကျောင်းသားခေါင်းဆောင်များက ရသင့်ရထိုက်သောအခွင့်အရေးများကို တရားသူကြီးထံသို့တင်ပြလျှောက်ထားခဲ့ကြသည်။ ထိုကိစ္စကို တရားရုံးဆွဲချများ(အစိုးရရှေ့နေများ)က ရုံးတော်ကိုမထီမဲ့မြင်ပြုရာရောက်ကြောင်း ထို့ကြောင့်အရေးယူပေးပါရန်တင်ပြခဲ့သည့်အတွက် တရားသူကြီးက ပြစ်ဒဏ်ချမှတ်လိုက်ခြင်း ဖြစ်ကြောင်းသတင်းရရှိသည်။ကျောင်းသားခေါင်းဆောင်များကို အရေးယူထောင်ချလိုက်သည့်အတွက် ကျန်သည့်ကျောင်းသားကျောင်းသူများကပါ မကျေနပ်ဖြစ်ပြီး ၄င်းတို့ကိုပါ ပြစ်ဒဏ်ချမှတ်ရန် တင်ပြလာသည့်အတွက် တရားရုံးတွင် လှုပ်လှုပ်ရှားရှားဖြစ်သွားခဲ့ရကြောင်း၊ တရားသူကြီးမှ တရားရုံးကိုရပ်နား၍ အဆိုပါကျောင်းသားခေါင်းဆောင်များအားလုံးကို အကျဉ်းထောင်သို့ ပြန်လည်ပို့ဆောင်လိုက်ခဲ့ရကြောင်း သတင်းရရှိပါသည်။ ၄င်းကျောင်းသားခေါင်းဆောင်များမှာ- ကိုမင်းကိုနိုင်၊ ကိုကိုကြီး၊ ကိုပြုံးချို၊ ကိုမင်းဇေယျ၊ ကိုဌေးကြွယ်၊ ကိုမြအေး၊ ကိုအောင်သူ၊ ကိုလှမျိုးနောင်နှင့် ကိုအောင်နိုင် တို့ဖြစ်ကြပါသည်။
ဦးကုလား
(source NLDLA)
အင်းစိန်ထောင် မရားရုံးက ကျောင်းသားခေါင်းဆောင်များကို ထောင်ဒဏ်များချက်မှတ်
Subscribe to:
Post Comments (Atom)
Posts
Comments :
Post a Comment