နာဂစ်အလွန် မြန်မာပြည် - ပြည့်တန်ဆာများနှင့် သူတောင်စားများ တိုးပွားလာ

ဇူလိုင် ၉၊ ၂၀၀၈ မိုးမခ

နာဂစ်အလွန် အထွေထွေ စီးပွားရေး၊ လူမှုရေးနှင့် နိုင်ငံရေး အကြပ်အတည်းများနှင့် ရင်ဆိုင်နေရသော မြန်မာပြည်တွင် စစ်အစိုးရ ၀ါဒဖြန့်စာနယ်ဇင်း ရုပ်သံတို့က အမှန်တရားကို အမှောင်ချထားရန် အစွမ်းကုန်ကြိုးစားနေသော်လည်း ရန်ကုန်မြို့လမ်းပေါ်ရှိ ကားမှတ်တိုင်များတွင် နံနက်မိုးလင်းကတည်းက လမ်းသလားနေသော ပြည့်တန်ဆာများကိုမူ မည်သို့မျှ တားဆီးဖုံးကွယ်ထားရန် မဖြစ်နိုင်ကြောင်း တွေ့နေရသည်။
“မြို့ထဲ ဆိပ်ကမ်းသာလမ်းထိပ် မှတ်တိုင်မှာ သူတို့ အယောက် ၂၀ လောက် ဖောက်သည်ရှာနေကြတယ်ပေါ့ဗျာ။ အသက် ၁၆ နှစ်ကနေ ၂၀ ကြားက ၁၀ ယောက်၊ ကျန်တာက ၃၀ ၀န်းကျင်၊ ၄၀ လောက်ရှိတဲ့ အမျိုးသမီးတယောက်လည်း အဲဒီအုပ်ထဲမှာ ပါတယ်။”
မျက်မြင်ကြုံခဲ့ရသူတဦးက မိုးမခသို့ ပြောကြားသည်။
ယခင်ကတည်းက ပြည်တန်ဆာလုပ်ငန်းမှာ တရားမ၀င် လှုပ်ရှားနေကြသော်လည်း ယခုကဲ့သို့ ပေါ်ပေါ်ထင်ထင်လုပ်ကိုင်လာကြခြင်း မရှိပေ။ အနှိပ်ခန်းများ၊ တည်းခိုခန်းများကို အခြေပြုပြီး လှုပ်ရှားကြခြင်းဖြစ်ပြီး နာဂစ်မုန်တိုင်းအပြီးတွင် လမ်းပေါ်သို့ ခန္တာကိုယ်ကို ရင်းနှီးပြီး စားဝတ်နေရေးဖြေရှင်းရသော အမျိုးသမီးများ အရေအတွက် အများအပြား ရောက်ရှိလာကြသည်ကို တွေ့ရသည်။ အနှိပ်ခန်းလုပ်ငန်းများလည်း ပိုမိုတွင်ကျယ်လာကြပြီး အသက် ၂၀ ၀န်းကျင် မိန်းကလေးငယ်များက ထိုလုပ်ငန်းများတွင် ၀င်ရောက်လုပ်ကိုင်လာကြသည်ဟု ဆိုသည်။
ယခုအချိန်တွင် ပြည့်တန်ဆာ ပွဲစားများ၊ ဒေသခံ အာဏာပိုင်များ၊ လုံခြုံရေးတာဝန်ခံများ၊ ပြည့်တန်ဆာ ခေါင်းများနှင့် တည်းခိုခန်း၊ အနှိပ်ခံ လုပ်ငန်းရှင်တို့က ထင်ထင်ရှားရှား ရိုင်းပင်းပူးပေါင်းပြီး လုပ်ကိုင်စားသောက်လာကြခြင်းဖြစ်သည်။ ရွာများ နယ်များမှ လှည့်ဖြားခေါ်လာသော မိန်းကလေးငယ်များကို မြို့ကြီးများတွင် ပြည့်တန်ဆာလုပ်ငန်းလုပ်သူများ၊ အားပေးသူများ၊ ဆက်နွယ်သူများက ရောင်းဝယ် ဖောက်ကား အနိုင်ကျင့်ပြီး မတရားမှု ကျူးလွန်နေကြသည်ကို ဒေသခံ ပြည်သူများ၊ မိသားစုများက မည်သို့မျှ ဟန့်တား တိုင်တန်း အရေးယူနိုင်ရေး မလုပ်နိုင်ကြချေ။
အချို့ကတော့ သွားရောက်ပျော်ပါးသူတချို့ကို ခြိန်းခြောက်ပြီး ငွေညှစ်ခြင်း၊ အနိုင်ကျင့်လုယက်ခြင်းအထိပါ ကျုးလွန်သည်ဟု ကြားရသည်။ ပြည့်တန်ဆာအိမ် သို့မဟုတ် တည်းခိုခန်းတွင် ပျော်ပါးသူကို ပြည့်တန်ဆာခေါင်း၊ လုပ်ငန်းရှင်နှင့် နယ်မြေခံ အာဏာပိုင်တို့က ပေါင်းပြီး ဟန်ပြဖမ်းဆီးကာ ငွေညှစ်ခြင်း၊ ရိုက်နှက်လုယက်ခြင်းတို့လုပ်သည်အထိ အတင့်ရဲလာကြောင်း မျက်မြင်က ပြောကြားသည်။
“အဲသလို အုပ်စုဖွဲ့ ဂိုဏ်းတွေနဲ့ သောင်းကျန်းတဲ့နေရာတွေက လှိုင်သာယာ၊ ဘုရင့်နောင်လမ်းဆုံ၊ သိမ်ကြီးဈေး ပြီးတော့ ၉ မိုင် ပြည်လမ်း မင်္ဂလာဒုံ လေယျာဉ်ကွင်းတကြောက ဆိုင်တွေမှာ သူတို့တွေ ကျက်စားကြတယ်။ အုပ်စုအချင်းချင်း ဂိုဏ်းတွေ အချင်းချင်းလည်း တိုက်ခိုက်ကြတယ်။ မကျေနပ်တဲ့ ဖောက်သည်တွေကလည်း ပြန်ပြီး တိုက်ကြခိုက်ကြတာတွေ ဖြစ်တယ်။ ”
၎င်းက ဆက်လက်ပြောကြားသည်။

“ရန်ကုန်မှာ ပြည့်တန်ဆာလုပ်ငန်း ကြီးထွားလာရတာကတော့ လူတွေက ဆင်းရဲသည်ထက် ဆင်းရဲလာလို့ပဲ။ ပညာလည်း မရှိ။ ဥစ္စာလည်း မရှိကြဘူး။ အမျိုးသမီးလေးတွေက စားဝတ်နေရေးအကြပ်အတည်းကို ဖြေရှင်းဖို့ အရမ်း ခက်ခဲနေတယ်။ အာဏာပိုင်တွေကလည်း အဲဒီပြသနာကို ဖြေရှင်းပေးဖို့တို့၊ အရေးယူဖို့တို့ မလုပ်ဘူး။ အဆင့်ဆင့် လာဘ်စားတယ်။ ဆက်ကြေးတောင်းတယ်။ မိုက်ကြေးခွဲတယ်။ မှတ်တိုင်မှာ သူတို့လာပြီး လှုပ်ရှားတော့မယ်ဆိုရင် နယ်မြေခံ ရဲကိုက အစ ပိုက်ဆံပေးထားရတယ်။ အနှိပ်ခန်းတွေက လစဉ် လိုင်းကြေး ပေးကြရတယ်။ ”

အနှိပ်ခန်းလုပ်ငန်းများကို လုပ်ငန်းရှင်များက လမ်းများ၊ စားသောက်ဆိုင်များအထိ မိန်းကလေးငယ်များနှင့် ဆင်းပြီး ကြော်ငြာဝေခြင်း၊ လူဆွယ်ခြင်းတို့ ပြုလုပ်ကြသည်ဟု ဆိုသည်။ ၁၉ လမ်း အရက်ဆိုင်များတွင် မိန်းကလေးငယ်များက လက်ကမ်းစာရွက်များလိုက်ဝေနေရာ ထိုလက်ကမ်းတွင် အနှိပ်ခန်း ကြော်ငြာနှင့် လိပ်စာတို့ပါဝင်ပြီး သိမ်ကြီးဈေးဝန်းကျင်ရှိ နေရာများတွင် ဖြစ်သည်ကို တွေ့ရသည်။
ပြည့်တန်ဆာများပြီးလျင် လမ်းပေါ်တွင် သက်ကြီးရွယ်အိုများ၊ ကလေးသူငယ်များကို သူတောင်းစားများအဖြစ် အများအပြားတွေ့နိုင်သည်ဟု မျက်မြင်များက ဆက်လက်ပြောကြားသည်။ အခြားဈေးကွက်တခုမှာ အိမ်ဖော်လုပ်ငန်းဖြစ်သည်။
လေဘေးသင့်ဒေသများတွင် ပြန်လည်ထူထောင်ရေး မလုပ်နိုင်သေးသဖြင့် စားဝတ်နေရေး ဖြေရှင်းရန် အမျိုးသားများက မြို့ကြီးများတွင် အလုပ်ကြမ်းလုပ်ရန် လာရောက်ကြပြီး အမျိုးသမီးများက နီးစပ်ရာအိမ်ထောင်စုများထံတွင် အိမ်ဖော် အလုပ်လုပ်ကိုင်ရန် ကြိုးစားကြသည်။ ဧရာဝတီတိုင်းက ပျက်စီးသွားသော ကျေးရွာ မြို့ငယ်များက မိသားစုအများအပြား ရန်ကုန် ဆင်ခြေဖုံး အနီးအနားက လှိုင်သာယာအရပ် စသည်တို့သို့ ပြောင်းရွေ့လာနေကြသည်ကို ပြည်တွင်းဂျာနယ်များတွင် သတင်းရေးခွင့် မရချေ။
ယခု ရန်ကုန်က ခေတ်ပေါ် စာချိုးမှာ - “နာဂစ်ကြောင့် ဖာဖြစ်ကုန်ပြီ” ဟူ၏။ မတရား အာဏာကို သိမ်းပိုက်ထားပြီး တိုင်းပြည်အကျိုးနှင့် အများပြည်သူလူထု ကောင်းစားရေးကို ပြည်တွင်းပြည်ပက မိသားစုများနှင့် ချက်ခြင်း လက်ငင်းပူးပေါင်းပြီး ဆောင်ရွက်နိုင်ပါလျက် ပျက်ကွက်နေသော စစ်အစိုးရတွင် အဓိကတာဝန်ရှိပါကြောင်း၊ သူတို့ကိုယ်တိုင်က ပြသနာများ၊ အခက်အခဲများကို ဖန်တီးထားသဖြင့် အဖြေနှင့် ဝေးနေရကြောင်း ပြည်တွင်းက သတင်းပို့သူများက မှတ်ချက်ပေးသည်။